我話就話唔想考，浪費自己時間，就算好彩過左呢關都過唔到interview 等等.....但最後我還是去考，總覺得報完不考好像不戰而降，毫無骨氣.....
大家也知道這個試是怎樣考的了。試場離理工只有二十分鐘車程，我預早一小時出發自以為已經很保守。怎料那小巴每次只有一至兩個位(其實是滿的，只是有一兩個人下車才能上車), 結果二十分鐘的車程，我等車等了五十分鐘.....最後比開考時間遲了十分鐘才去到，一坐下考官便說"開考"!
今次的題目與我也有點關係，是說教育政策的。第一條中文題就係要你解釋下部份大學採用自評機制(CU/HKU/UST?)，部份採用定期評審是否存在不公平，政府訂立五成17-20歲青年可享有專上教育(i.e. 副學士政策)是否只為粉飾太平，對失業問題是否有真正的作用，部份院校的副學士學費較低，是否"次等大學生"等等...
第二題英文題就係有間私立大專關門。關門前佢話係因為唔可以滿足到評審局的要求, 由此引申出自評機制是否不公平的問題。但另一方面D 公立大學校長們就發左份聲明，話如果政府唔俾佢地自我評審，佢地會積極考慮放棄辦副學士，到時特首果50%目標就唔可以達到。咁你作為一個AO仔，老闆要求你提出政府應該企那一邊，老闆亦唔想表露出向任何一方示弱。
最後任答中/英文果題就係話而家政府冇乜錢，你老闆將會同D 大學校長們開會。咁你諗到D 乜方法可以鼓勵/幫助D 大學搵到錢呢? 前提係一對一等額基金已經運作緊，而政府想用最少的錢...
因為我寫字慢，我一早諗定係先寫英文後寫中文的。我用左四十分鐘黎睇/諗D 野，之後就狂寫左一百四十分鐘...
頭兩題我覺得我已經答到自己的極限，俾我無限時間寫我都唔會寫得好好多(但係每題寫少左一個point, 因為實在唔夠時間)，最後果題......我本來預左廿分鐘寫(因為呢題少分D)，結果......我寫左十分鐘就發覺諗唔到有乜好計......我諗到果D 人地都做緊啦!! 所以我只係話表揚下D 贊助機構呀, 將等額資助變成另一個比例(eg, 1:2), 用政府的channels(TV/radio...etc) 幫大學宣傳等等....我只係寫左幾個point.....v_v" (佢寫明可以寫point form 的)
總括而言，這次考試我沒有失手。如果不能通過的話是我的能力的問題，沒有別的借口了。
延申閱讀:
